سراج الادب کے ہفتہ وار سلسلۂ " شاعرِ امروز " میں آج ہم جناب پروفیسر سید غلام مُجتبٰے صاحب کو دعوت دے رہے ہیں کہ جناب تشریف لائیں اور اپنا تعارف و نَمُونۂ کلام پیش فرمائیں ۔
سید صاحب دنیائے شعر و ادب میں ویسے تو مُحتاجِ تعارف نہیں ہیں ۔ اعلٰی تعلیم یافتہ ہیں ۔ آپ کی سب سے بڑی خواہش نوجوان نسل کی تربیت ہے ۔ جس کے لئے آپ نے کئی طریقے آزمائے ۔ہیں ۔ موجودہ وقت کے تقاضے کے مُطابق اور نوجوانوں کو بر سرِ روزگار لگانے کی غرض سے پہلے سید صاحب نے ۱۹۷۷ میں ٹائیپنگ اور شارٹ ہینڈ اکیڈمی قائم کی جو ۱۹۹۶ تک جاری رہی ۔ بہت سے نوجواں یہاں سے ٹائیپنگ اور شارٹ ہینڈ سیکھ کر بر سرِ روز گار لگے ۔ پھر کمپیؤٹر دور کی اہمیت کا ادراک کرتے ہوئے " کمپیوٹر اکیڈمی " کا قیام عمل میں لائے اور بہت سے بے روز گار نوجوانوں کے لئے حلال کی روزی کمانے کے راستے کُھولے ۔
سید غلام مُجتبٰے صاحب ۲۰۱۰ سے تا حال پنجاب کالج گجرات میں اردو زبان و ادب کی تعلیم دے رہے ہیں ۔ موصوف کا تعلیم و تدریس سے شغف اتنا گہرا ہے کہ آپ تربیت اور فروغِ علم کی کوششوں میں مستقل لگے رہتے ہیں ۔ تعلیم و تدریس کے ساتھ ساتھ سید صاحب اس وقت ایک مُنفرد ادبی کارنامہ انجام دینے میں بڑی تندہی سے لگے ہوئے ہیں ۔
ساختیات اور پسِ ساختیات کے حوالے سے مرزا اسد الله خان غالب کے منتخب اردو اور فارسی کلام کی شرح جدید ترین سائنسی تحقیق سے منطبق کرنے کی سعی کر رہے ہیں جو یقیناً خاصا دشورار ، مُشکل اور نادر کام ہوگا ۔ اس تشریح میں لفظوں کے لغوی، اصطلاحی اور شاعر کے ذہن میں چُھپے ہوئے مفاہیم کا سیر حاصل بیان ہوگا جو تشریح کے ضمن میں بالکل نئی اور عجُوبہ کوشش ہو گی ۔
شاعر امروز ہیں سید غلامِ مجتبی
جواب دیںحذف کریںہے تعارف کا یہ بیحد روح پرور سلسلہ
پیش کرتا ہوں مبارکباد میں اس کی انھیں
قابلِ توصیف ہے ان کا یہ علمی مشغلہ
احمد علی برقی اعظمی